`·.¸¸.·¯`منتديـــــــــــــــات شرامة السودانيـــــــــــه`·.¸¸.·¯`

شباب شرامة شباب ولا احلى
 
الرئيسيةمكتبة الصورس .و .جالتسجيلدخول

شاطر | 
 

 مسجات سودانيه روعه :) 1

اذهب الى الأسفل 
كاتب الموضوعرسالة
عاشق الغرام
مشرف منتدى القصص والروايات
مشرف منتدى القصص والروايات
avatar

ذكر
عدد الرسائل : 163
العمر : 32
العمل/الترفيه : طالب جامعي
المزاج : رايق
المهنــــــــــــه :
الهوايه :
تاريخ التسجيل : 08/09/2008

مُساهمةموضوع: مسجات سودانيه روعه :) 1   الثلاثاء أكتوبر 07, 2008 4:42 am


* اشتقت ليك لما الجفون تتلاقى
في لحظة منام
اشتقت ليك لما الطيور عند الصباح بتقول سلام
اشتقت ليك كل ما الدموع تنزل من شوق أو ملام
اشتقت ليك ياا لوحة معجزة كل الكلام.

* أدسك كيف من الأيام
من الدنيا البقت جانية
اقول مرات اهاجر بيك نسافر لي بلاد تانية
بلاد ما فيها ناس ظالمين
موشحة بالظلال حانية
نمشي نوقف الساعات ونتقاسم الثانية
ويا ريت نتقاسم الانفاس وادسك من عيون الناس

* اجمل حاجة تكون متعذب بإنسان متعذب بيك
تقاسي الزمن القاسي عشانو
وبرضو يقاسي زمانو عليك
تكون بتفتش عنو وتسال
وبرضو يكون بفتش فيك
وتبقى الريده عذاب متواصل
وتشتاق ليهو وييشتاق ليك

* حياتك عندي غالية شديد
وحبك فيني اصلو اكيد
حكاية تقطع اخبارك لمن انت تبقى بعيد
بكون الحال صعيب دونك
وغيرك انت ببقى شريد
بكون ضايع بفتش ليك
لأني معاك ببقى سعيد
بكون مليان حنين وحنان
وشوق دفاق وفرحة عيد

* من ضجيج زحمة الايام اشيل خطواتي
وامشي ليك اهاجر بيك لمرسى بعيد
وعن اشواقي احكليك
حكاية زول بيشتاق ليك
وانت معاه في الخاطر يناديلك
يدون في الخيال رسمة
وبأروع معاني الشوق يغنيلك

* ممكن الزل ينسى امسو
وينسى يومو الطالعه شمسو
ينسى ناسو
وليهو ينسى
بس كيف ينساك انت
وانت نفسك ياها نفسو

* بكتب ليك رسالة حب
بحروف مرسومة في جواي
رسالة بتحكي ليك الحب
ومكانتك انت في دنياي
لقيتك يا ملاك صدفة
وجعلتك انت كل مناي
محال اعشق سواك انسان
ومحال غيرك يكون مرساي

* احس الوقت من غيرك زمن واقف بلا معنى
واحس بالبسمة لي غيرك مسيخة
ومره زي عبره
واحس لمن تجي رسالتك ظلام شاقيهو ضي قمره

* حبك لي غالي علي
بحسوا بقلبي
وبشوفوا بعيني
حبك لي
بطمني
بعيشني احلى سنين عمري
احساسي معاك صدقتوا خلاص في عيني
انا ليك ومعاك
حبيبي ارتاح عمري ما حا انساك

* يا المخلوق بلون الطيف
اوصف فيك
اوصف كيف
يا الحيرت اوصافي
يا السر العميق خافي
بحر ما طالتو مرافئ
وابلغ من وصف شاعر
عشان يتختا في قوافي
منك تبتدي الروعة
وبعدك روعة جد ما في

*انا لو اقول اشتقت ليك
ما اظن قلت الجديد
لكن بقول احتجت ليك
والحوجة افضح للبريد
والوحشة في البعاد
تتنازع الاشواق شديد

* بقيت اعشق هوى الدنيا
بقيت اسرح مع الاحلام
رسمتك في ضفاف النيل
سمعتك في صدى الأمواج
حلمت معاك اكون انسان
اسوق الدهشة في الواقع
اشوف اللهفة في عينيك
بتغمر طرفك النعسان

*خايفه ان الزمن يبعدك عني
تقفي وتزيد من نزف الجروح
ان الغير يسرقك مني
وعلى صدي صوتك ابكي وانوح
بحق الغلا صارحني وعلمني
اديني من الأمل قصر وصروح
وحياة عيونك ريحني وطمني
انا استاهل قلبك
ولا امشي واروح

* لو تمادى الدهر مرة
والستار بيناتنا سدلوا
والا طالت بينا مدة
والتلاقي امتد اجلو
المسافة اكيد ما بتقصر
والرسايل تبقى بدلوا

* بتمنى ليك كل السمح
لا تشوف عذاب لا تنجرح
واتمنى ليك سعد العمر
لا حسرة ولا احزان تمر
ويا ربي تنعم بالصبر
ويديك كمان طولة العمر

* كنوز جواك ما بتكمل تضوي الليل
وتتجمل زي عصفورة حامت فوق وركت في قليب انبل
كنوز من شهدك الفياض ونكهة روحك الصندل
ما انته سواحلك الافراح
ومنبع نيلك المنهل
وصورتك شرفة الاحلام
ومشاهد نجمة تتجول

* تبقى كل الدنيا سمحة لما بس هاتفك يواصل
ترحل احزاني العميقه
ويستقر فرحي المسافر
اصلو شوقك فيني راسي منتظر عينيك تراسل
ابقى واصل ما العيون الفي انتظارك زي مطر الفواصل

* يا سلام لو كنت تعرف انت ايه بالنسبة ليا
ما بقول ليك انت روحي
احتمال اكبر شوية
بس تاكد انو ريدك في الضلوع نيرانو حية
مستحيل في يوم حتخمد طالما الدم جاري فيا

* منو الزيك يحس بالناس
منو االزيك جميل حساس
ومشتاقين يا اعز الناس
اعين فيك الاقي خطاك معاي ديمة
واشوف عينيك مع الغيمة
واشيل ذكراك صفة وسيمة
يا اروع زول
قدر يكسر رتابة الكون
ويتحكر في الاعماق هوى وقيمة

* لو قلت عايز تحتجب عشان تحس بشوقنا ليك
او قلت عايز تختفي وتبعد عشان ما نشتهيك
خليك عارف انو لو طول غيابك انحنا ارواحنا بتجيك


ترقبوا المزيد قريبا
مع تحياتي
Cool Cool
Cool
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Miss world
مشرف منتدى الصور والفيديو
مشرف منتدى الصور والفيديو
avatar

انثى
عدد الرسائل : 213
العمر : 25
المهنــــــــــــه :
الهوايه :
تاريخ التسجيل : 04/09/2008

مُساهمةموضوع: رد: مسجات سودانيه روعه :) 1   الثلاثاء أكتوبر 07, 2008 6:54 pm


شكرا على المسجات الروعة دي يا عاشق
بالجد ابداااااااااااااااااااااااااع










Razz
Miss world

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق الغرام
مشرف منتدى القصص والروايات
مشرف منتدى القصص والروايات
avatar

ذكر
عدد الرسائل : 163
العمر : 32
العمل/الترفيه : طالب جامعي
المزاج : رايق
المهنــــــــــــه :
الهوايه :
تاريخ التسجيل : 08/09/2008

مُساهمةموضوع: رد: مسجات سودانيه روعه :) 1   الأربعاء أكتوبر 08, 2008 4:06 pm

الله يخليك يا MISS WORLD
شكرا على المرور والتعليق
وترقبوا المزيد قريبا
مع تحياتي
Cool Cool
Cool

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مزهل
المشرف العام
المشرف العام
avatar

ذكر
عدد الرسائل : 388
المزاج : جيد
تاريخ التسجيل : 05/09/2008

مُساهمةموضوع: رد: مسجات سودانيه روعه :) 1   الثلاثاء أكتوبر 21, 2008 1:03 am

ايه يا راجل انت ده
ايه الانت بتقولوا ده
يطلع منك كل ده

انت بالجد عاشق
تسلم ياااا مبدع

_________________
مـــــــــزهـــــــــــــل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Nice life with memy
شرامي متقدم
شرامي متقدم
avatar

انثى
عدد الرسائل : 37
العمر : 31
تاريخ التسجيل : 27/09/2008

مُساهمةموضوع: رد: مسجات سودانيه روعه :) 1   الثلاثاء أكتوبر 21, 2008 4:18 pm

عن جد مبالغة كلام ولا اروع مشكور ياعاشق راح تنقذنا من التفكير الكتير لمن نجى نرسل اى مسج وكلة كوم ودى كوم تانى

أدسك كيف من الأيام
من الدنيا البقت جانية
اقول مرات اهاجر بيك نسافر لي بلاد تانية
بلاد ما فيها ناس ظالمين
موشحة بالظلال حانية
نمشي نوقف الساعات ونتقاسم الثانية
ويا ريت نتقاسم الانفاس وادسك من عيون الناس

مشـــــــــــــــــــــــــــكور ياعاشق الغرام ومنتظرين الباقى Very Happy Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ZOLO
شرامي متقدم
شرامي متقدم
avatar

ذكر
عدد الرسائل : 64
العمر : 29
العمل/الترفيه : D-Pharmacy
المزاج : جـالـس لـحـالـي
المــــــــــــــزاج :
المهنــــــــــــه :
الهوايه :
تاريخ التسجيل : 27/09/2008

مُساهمةموضوع: رد: مسجات سودانيه روعه :) 1   الخميس أبريل 02, 2009 10:13 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مسجات سودانيه روعه :) 1
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
`·.¸¸.·¯`منتديـــــــــــــــات شرامة السودانيـــــــــــه`·.¸¸.·¯` :: `·.¸¸.·¯`··._.· اقســـــــــــــــــــــــــــــام التقنيــــــــــــــــــــــــه `·.¸¸.·¯`··._.· :: منتدى الجوال و احلى المسجات-
انتقل الى: