`·.¸¸.·¯`منتديـــــــــــــــات شرامة السودانيـــــــــــه`·.¸¸.·¯`

شباب شرامة شباب ولا احلى
 
الرئيسيةمكتبة الصورس .و .جالتسجيلدخول

شاطر | 
 

 قصيدة حلمنتيشية بعنوان: - حبيبنى لما تستعبط

اذهب الى الأسفل 
كاتب الموضوعرسالة
مزهل
المشرف العام
المشرف العام
avatar

ذكر
عدد الرسائل : 388
المزاج : جيد
تاريخ التسجيل : 05/09/2008

مُساهمةموضوع: قصيدة حلمنتيشية بعنوان: - حبيبنى لما تستعبط   الإثنين نوفمبر 24, 2008 3:02 pm

خطيبتى حبيبتى أموره
تشبه زهرة الياسمين
جمال وحلاوه وخفة
دم ورقه وحنين
شعنونه ولما تغير
بتبقى شبه المجانين
حبها مكلبش جوايا
وأنا ليها نور العين
بس ساعات تستعبط
وعبطها يبان للناظرين
فى مره ياساده
كنا الاتنين متواعدين
نخرج نتمشى فى
نص البلد ساعتين
لهوايه عندنا اسمها
الفرجه على البتارين
والأيد فى الأيد
وكيس اللب المتين
الحاله أخر رومانسيه
وفى الحب منشكحين
لحد ماوقفنا قدام
جواهرجى دهبه سمين
البنت وقفت متبنجه
ولسانها مدلدل مترين
وعينيها برقوا بشده
تقول بقوا كلوبين
ياحلوه.. يابنت.. ولاترد
كأنها طرشت الاضنين
قربت من اضانها
قلت أقرى المعوزتين
احسن تكون ممسوسه
وأفك المس اللعين
أخيرا مسكتنى من
أيدىبأيد عرقانين
ودخلت المحل..وعرقى
سال على الخدين
سألت البياع بكام
الطقم أبو لونين
وزن وابتسم وقال
من الألافات عشرين
هزت كتافها كأ نها
بنت الامير سانجام
قالت مش بطا ل
وعاينت لى بعيون واسعيين
سألتنى رأيك ايه
ياحبيبى نقشتهم حلوين
همست فى اضانها
ليلتك ألنهارده طين
أبتسمت بسمه عريضه
عرضها حوالى مترين
قلت خلاص بكره
نيجى مع الوالدين
واشتريه ليكى ياربيع
الزهر والريا حين
خرجنا وضغطى أرتفع
وزاد على المتين
ناديت على مشروع
رجوع البيت رحنا مروحين
هى قاعده بتحلم
وأنا مقهور وحزين
على باب العماره
بلغت فرار المطاردين
وهات جرى ع
السلم وداست بنزين
وأنا وراها طيران
نفاثه فيها محركين
أقفى يا سبب جنونى
أقفى ليلتك طين
أنتى بتستعبطى يا بنت
أقفى يا بنت المجانين
وحياة أبوكى ما سايبك
حوريكى أنا مين
دخلت شقتها بتضحك
وضحكتها أمل وحنين
من غلبى ضحكت
ضحكه ليها رنين
وقلت فى سرى
بحبك قوى ... يا ياسمين

_________________
مـــــــــزهـــــــــــــل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة حلمنتيشية بعنوان: - حبيبنى لما تستعبط
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
`·.¸¸.·¯`منتديـــــــــــــــات شرامة السودانيـــــــــــه`·.¸¸.·¯` :: `·.¸¸.·¯`··._.· الاقســـــــــــــــــــــــــــــــــام التـــــــــــــــــــــــــــــــــــــــرفيهى `·.¸¸.·¯`··._.· :: منتدى الشعر-
انتقل الى: